— 364 —
bikin rahajat negrinja jang brontak, djadi baek kombali padanja.
Di pinggir satoe tenda besar, di mana bebrapa officier bangsa Schot lagi boeka satoa persidangan jang dikepalaken oleb graaf de Loewen, kepala dari angkatan prang dari itoe bangsa, ada reba satoe panglima prang jang keliatannja sebagi orang tidoer poeles, tapi tangan kanannja ada pogang ja poenja pedang.
Kira kira lima poeloe tindak djaoenja dari itoe tempat ada keliatan lagi satoe ofiicier asik bitjara dengen soldadoe jang lagi djaga di sana dan maski roepa roepanja itoe officier ada orang asing, ia pande bitjara bahasa Inggris, maka ia bisa mengarti apa jang itoe soldadoe bilang padanja dalem bahasa Schot.
Koetika lotjeng dari gredja di New Castle berboenji djem poekoel satoe tenga malem, itoe panglima jang tidoer djadi sedar dan sasoedanja berlakoe sebagi orang jang baroe mendoesin seabisnja tidoer njenjak, ia liat kanan kiri dan koetika ia soeda dapet kenjata’an ia tinggal saorang iri, ia berbangkit djalan poeterin tendanja dan liwat deket itoe officer jang lagi bitjara dengen soldadoe djaga. Roepa roepanja itoe officier soeda abis bitjara, kerna ia sigra djalan djoega menoedjoe ka djoeroesan jang itoe panglima baroe djalenken.
Di satoe tempat jang soenji jang djalan doeloan menoenggoe sobatnja.
„Abis begimana, sobat?" jang satoe tanja dalem bahasa Frans.
― „Begimana? soeda tiada boleh bikin ilang tempo lagi; Radja moesti dapet taoe ini perkara."
― „Perkara apa ?"
