— 336 —
„Akoe denger soearanje Sri Ratos," kata Porthos, akoe kira Sri Baginda ingin naek koeda.
-, O! memang ia soeka itoe perkara; tapi..."
-,Tapi apa ?*
Tapi Kardinaal tiada maoe kasi. Toean toean," kata poela d'Artagnan pada itoe doea musketiers;,anter kretanja Sri Ratoe dan kau djangan djaoe dari pintoe kreta. Kita pergi oeroes tempat menginep."
Berdoea dengen Porthos, d'Artagnan brangkat menoedjoe ka Saint Germain.
Mari kita brangkat, toean toean !' kata Ratoe Anna.
Kretanja Radja djalan lebi doeloe, diblakangnja ada toeroet kreta kreta laen dan kira kira lima poeloe orang naek koeda.
Dengen tiada koerang satoe apa iaorang sampe di Saint Germain; koetika maoe toeroen dari kreta Ratoe Anna minta pada prins van Conde jang dengen topinja di tangan ada berdiri deket pintoe kreta, boeat pegang Sri Ratoe poenja tangan.
,0, begimana rasanja pendoedoek kota Parijs djikaloe faorang djadi sedar pada bari besok ?* kata Ratoe Anna.
Tentoe moesti djadi prang," kata toean prins.
,Prang djikaloe moesti, apa boleh boeat. Boekan pada kita poenja fihak ada laksamana jang soeda kalaken moesoe di Rocroy, di Nordlingen dan di Lens?*
Prins van Conde manggoet boeat mengoetjap trima kasi.
Itoe koetika djem poekoel tiga pagi. Ratoe Anna masoek lebi doeloe di astana di ikoetin
