— 320 —
menoenggoe di pintoe. Koetika Radja dapet liat iboenja ia lantes lari dari Laporte dan boeroe Sri Ratoe.
Ratoe Anna gapoken tangannja soepaja d'Artagnan toeroet masoek.
„Anakkoe,“ kata Ratoe Anna dengen oendjoek ka pintoe di, mana ini musketier ada berdiri dengen tangannja pegang ia poenja topi; „liat ini toean d'Artagnan jang gaga,ia poenja kegagahan ada sama dengen kegagahannja panglima panglima prang jang kau soeda denger dari boekoe: boekoe tjerita. Inget ia poenja nama dan pandang moekanja soepaja kau siada djadi loepa, kerna ini malem ia maoe berboeat satoe perkara besar bagi kita orang.“
Radja Lodewijk awasin itoe officier dan kata :
„Toean d'Artagnan ?“
― „Betoel, anakkoe.“
Dengen plahan ini Radja jang masi ketjil angkat tangannja dan angaoerken pada, d'Artagnan, jang lantes tekoek loetoetnja boeat tjioem Radja poenja tangan.
„Toean d'Artagnan,“ begitoelah Radja Lodewijk oelangken perkata'annja, baek, njonja.“
Itoe koetika ada kadengeran soeara sanget rioe.
„Apa mengartinja itoe soeara riboet ?“ menanja Ratoe Anna.
„O! o!“ kata d'Artagnan jang koepingnja tjeli dan lantes dapet doega itoe perkare,itoe ada soearanja rahajat negri jang bikin riboet.
„Kita moesti lari,“ kata Ratoe Anna.
„Sri Baginda soeda seraken ini oeroean dalem takos poenja tangan. Akoe minta Sri Baginda
