— 317 —
jang di mana d’Artagnan lantes doedoek dan berpikir.
Itoe koetika di astana soeda djadi sapi, Sebagimana soeda dibilang pada djem poekoel sapoeloe malem sekalian tetamoe soeda poelang ; orang orang jang maoe diadjak Kaloear dari kota Parijs soeda di pesen boeat djalan lebi doeloe dan menoenggoe di Cours la Reine.
Pada djem poekoel sapoeloe Ratoe Anna soeda pergi di kamarsja Radja. Radja poenja soedara soeda tidoer poeles, sedeng Radja Lodewijk lagi maen dengen soldadoe dari tima jang Sri Baginda lagi atoer di atas medja, Doea anak moeda toeroenan orang bangsawan dijadi ia poenja temen maen.
,,Laporte,“ Kata Ratoe Anna, "soeda temponja kau bawa Sri Baginda masoek di kamar tidoer" Radja minta boeat tinggal doeloe maen maen kerna Sri Baginda blon ingin tidoer. ,,Boekan besok pagi kau maoe pergi mandi di Conflande, Ledewijk ? Kau toch sendiri soeda minta boeat pergi di sana.“
,,Itoe betoel, njonja, dan akoe sedia boeat pergi tidoer, apabila kau soeda tjioem akoe. Laporte Kasi lilin pada ridder de Coislin boeat anter djalan."
Ratoe Anna tjioem djidatnja Radja Lodewijk jang Sri Baginda soeda deketken pada iboenja. Ia berlakoe begitoe menoeroet peratoeran kahormatan di astana.
,,Tidoer biar tjepet poeles, Lodewijk, kerna orang nanti bangoenken kau pagi sekali."
,,Akoe maoe tjoba sebrapa boleh soepaja bisa toeroet itoe prenta, njonja, tapi sabenernja akoe blon sekali ingin tidoer."
,,Laporte,“ kata Ratoe Anna dengen berbisik,
Doeapoeloe Taon Blakangan
40
