— 307 —
ia, doega tentoe ada berbahaja dan kasi alesan jang ia poenja loeka blon baek, tapi d'Artagnan soeda bilang padanja begini:
„Djikaloe kau tiada soeka toeroet boleh tinggal di sini, tapi akoe kasi taoe pada kau, ini malem seantero Kota Parijs maoe dibakar.“
Koetika soeda denger itoe tjerita, Mousqueton lentes tiada ada kebratan lagi boeat anter ia poenja toean.
Iaorang brangkat dan koedanja dikasi lari begimana biasa sadja, soepaja itoe hal tiada bikin orang deoega jang pendoedoek dalem itoe kreta masing masing sanget ingin soeda ada diloear pintoe kota. Mazarin tiada brentinja seka ia poenja djidat jang basa dengen kringet dan matanja liat kanan kiri.
Di sebla kanan ada d'Artagnan dan di sebla kiri ada Porthos, djadi itoe doea pintoe kreta ada jang djaga.
Di depan iaorang ada doea pasang pistool, sepasang di depan d’Artagnan dan sepasang lagi di depan Porthos, sedeng iaorang ada djoega bawa iaorang poenja pedang.
Kira-kira soeda liwat saratoes tindak djaoenja dari astana, satoe barisan ronda soeda tahan itoe kreta.
„Werda?“ menanja kapala ronda.
„Mazarin !“ d'Artagnan treaken dengen ketawa.
Kardinaal rasa ramboetnja berdiri.
Tapi itoe perkata'an soeda bikin orang ronda djadi soeka hati. Iaorang liat satoe kreta dengen tiada ada satoe orang jang anter, maka tiada sekali iaorang bisa doega jang dalem itoe kreta ada saorang jang niet lari dari kota Parijs, maka iaorang bales treaken
