— 298 —
berpikir sabentar, sedeng matanja awasin d'Artagnan.“
—„Kau kenapa, Monseigneur?“
—„Akoe sendiri, seandenja akoe maoe brangkat dari sini, abis begimana?“
—„Ini ada lebi soesa sedikit.“
—„Kenapa kau bilang begitoe?“
—„Orang nanti boleh kenalken Eminentie.“
„Djikaloe akoe menjaroe begini?“ menanja Mazarin sekalian ia angkat satoe mantel jang ada diblakangnja, di sebla itoe mantel ada keliatan satoe stel pakean warna aboe aboe ditaboer perak.“
—„Djikaloe Eminentie menjaroe ada djadi lebi gampang.“
O!“ kata Mazarin jang napasnja djadi lega lagi.
—„Tapi Eminentie moesti soeka toeroet satoe perkara, jang sebagimana Monseigneur bilang baroe ini, haroes kita berboeat begitoe.“
—„Apa akoe moesti bikin?“
—„Monseigneur moesti toeroet bertreak: Persetan sama Mazarin !“
—„Akoe nanti toeroet bertreak begitoe.“
—„Dalem bahasa Frans, Monseigneur, bahasa Frans jang toslen, inget soearanja moesti begitoel; anem riboe orang Frans soeda diboenoe di Sicilie lantaran iaorang tiada pande bitjara bahasa Italiaan. Ati ati, djaga djangan sampe orang Frans ambil kau boeat pembalesan dari itoe perkara di Sicilie.“
—„Akoe tjoba sebrapa akoe bisa.“
„Di djalanan ada banjak orang bersendjata,“ kata d'Artagnan, „apa kau taoe betoel orang loear blon dapet taoe niatannja Sri Ratoe?“
Mazarin berpikir brapa lamanja.
Oeroesan jang kau voorstel pada akoe, boleh
