— 296 —
an begitoe roepa. Lekas kasi taoe apa jang Monseigneur maoe bilang pada akoe.“
― „Toean d’Artagnan, hal kasantausa‘an tachta karadja’an ini sore nanti diseraken dalem kau poenja tangan."
Mazarin lantes brenti bitjara.
― „Tjoba tjeritaken lebi terang, Monseigneur. Akoe denger."
― „Sri Ratoe ada niatan boeat adjak Radja pergi ka Saint Germain."
― „Begitoe !" kata d’Artagnan; „mengartinja Sri Ratoe maoe pergi dari kota Parijs."
― „Kau mengarti . . . .pikirannja saorang prempoean.“
― „Ja,akoe mengarti betoel."
― „Boeat bitjaraken ini perkara kau tadi pagi soeda dipanggil dan diprenta boeat dateng kombali pada djem poekoel lima sore.“
― „Patoet akoe diprenta boeat soempa soepaja djangan bitjara pada siapa djoega dari ini perkara. O, orang prempoean, maski ia djadi satoe Ratoe, adatnja sama djoega!"
― „Apa kau tiada satoedjoe dengen itoe perkara melantjong, toean d’Artagnan ?"
― „Akoe, Monseigneur! Kenapa kau pikir begitoe ?"
― „Kerna baroesan kau angkat kau poenja poendak."
― „Akoe biasa berboeat begitoe djikaloe akoe lagi berpikir."
― „Djadi kau kira itoe perkara ada baek ?'
― „Akoe tiada bilang baek atawa tiada, Monseigneur, akoe menoenggoe Kau poenja prenta.”
― „Betoel. Akoe soeda pikir tjoema kau
