— 285 —
D'Artagnan, trima itoe soerat dan minta itoe orang menoenggoe di kamar sebla, kamoedian ia batja itoe soerat sedeng Porthos dengen bengong awasin sobatnja dan tiada brani tanja satoe apa.
„Sobat Porthos,* kata d’Artagnan dengen angsoerken itoe soerat pada sobatnja, „ini dia soerat angkatan kau djadi baron dan akoe djadi kapitein. Batia dan Kasi taoe apa kau pikir dari ini perkara.”
Porthos pandjangken tangannja, ambil itoe soerat den dengen soeara gemeter ia batja:
„Sri Ratoe maoe bitjara pada toean d'Artagnan; biar ia toeroet pembawa ini soerat.”
„Ini soerat biasa sadja," kata Porthos.
„Akoe anggep itoe perkara laen sekali,” kata d'Artagnan; „djikaloe orang panggil akoe dan keada’annja iaorang ada sanget kaloet. Tjoba kau pikir djikaloe tiada ada lantaran jang sanget perloe, masa Sri Ratoe maoe panggil, akoe, jang ia soeda loepaken doeapoeloe taon lamanja.”
— „ltoe betoel,“ kata Porthos.
— „Bikin tadjem kau poenja pedang, baron, isi kau poenja pistol dan kasi gaba pada kau poenja koeda; akoe tanggoeng sablonnja liwat satoe hari lagi tentoe nanti kedjadian sala satoe perkara.
„Djangan ini perkara ada satoe tipoe boeat aniaja kita,“ kata Porthos jang soeda tjemboeroean sadja orang nanti djadi sakit hati ia maoe diangkat djadi baron.
„Djangan kwatir," kata d’Artagnan, „djikaloe orang maoe tipoe kita, akoe nanti dapet taoe ini perkara. Djikaloe Mazarin maoe kaloearken
Doeapoeloe taon blakangan
36
