— 275 —
kaloear dari pendjara doedoek kreta dengen poetranja dan Friquet toeroet berdiri di blakang kreta boeat oendjeek moekanja pada pendoedoek kota Parijs, Di mana sadja ia liwat orang bertreak „Leva Broussel!“ Slamet kita poenja ajah !“
Mata matanja Mazarin telah wartaken ini perkara padanja, hingga ini Kardinaal djadi bingoeng lagi, tapi Ratoe Anna tinggal sabar keliatannja. Tapi djoestroe ini perkara bikin Mazarin djadi boeat pikiran, ia soeda kenal betoel adatnja ja poenja Ratoe Spanjol dan kwatir Katoe Anna kaloearken sala satoe atoeran kras.
Coadjutor soeda toeroet bersidang lagi dalem vergadering dari parlement dengen kek wasa'annja lebi besar dari Radja, Ratoe dan Kardinaal sekalian. Menoeroet ia poenja voorstel parlement soeda kasi poetoesan boeat minta soepaja rahajat negri simpen lagi iaorang poenja sendjata dan boeka benteng benteng ketjil jang dibikin di djalanan; iaorang soeda taoe dalem satoe djem poenta tempo tjoekoep boeat koempoel lagi itoe orang bersendjata dan dalem tempo satoe malem ios barrikaden bisa dibikin lagi.
Planchet boeka lagi tokonja; kamenangan dalem itoe keriboetan soeda bikin ia djadi bebas dari hoekoeman, kerna ia taoe apabila politie tjoba tangkep padanja, tentoe pendoedoek Parijs nanti brontak lagi sebagimana iaorang soeda berboeat boeat Broussel.
Toean ridder d'Humieres soeda dapet kombali soldadoe jang ia kasi pindjem, tjoema doea orang jang koerang, tapi sebab ia sabenernja djoega ada satoedjoe dengen gerakan frondeur, ia tiada minta diganti keroegian boeat itoe doea orang.
