— 252 —
kita berdoea boeat toeroet bertreak: „Idoeplah Broussel !“ dan laen treakan lagi.“
―„Bitjara teroes terang.“
―„Orang paksa kita toeroet bertreak djoega: Persetan sama Mazarin !
Mazarin tersenjoem, tapi ia diadi sanget poetjet.
„Apa kau toeroet bertreak ?“ Ia tanja.
„Tiada, demi kahormatankoa,“ kata d'Artagnan, „kabetoelan akoe poenja soeara serak dan toean du Valion lagi pilek, djadi ia djoega tiada toeroet bertreak. Sasoedanja begitoe, Monseigneur....“
―„ Abis kenapa?“
―„Tjoba liat akoe poenja topi dan mantel.“
D'Artagnan kasi liat ada ampat lobang di mantelnja dan doea lobang di topinja bekas pelor. Porthos poenja mantel soeda terbela doea bekas dirobek dengen eatoe pedang, sedeng satoe pelor soeda bikin roesak djoega topinja
„Diavolo !“ kata Kardinaal dengen berpikir dan awasin ini doea orang, „seandenja akoe djadi kau orang, akoe soeda toeroet bertreak.“
Itoe koetika kadengeran soeara riboet.
Mazarin seka kringet di djidatnja dan liat kanan kiri. Ia sabenernja sanget ingin tengok dari djendela ka loear, tapi ia tiada brani.
„Tjoba liat apa itoe soeara riboet, toean d'Artagnan,“ ia kata.
Dengen sabar d'Artagnan djalan ka djendela dan tengok kaloear,
„He! He!“ ia kata. „Apa mengartinja itoe perkara? Maarschalk de la Meilleraie poelang dengen tiada berpake topi; Fontrailles tangannja diboengkoes, bebrapa banjak soldadoe loeka dan koeda penoe dengen dara seantero badannja.... Tapi, ja Allah, apa barisan pendjaga
