— 231 —
di Rome dan laen dari itoe ada toean coadjutor, jang djoega ada hak boeat bikin bebas kau poenja dosa; kita nanti bitjaraken kau poenja perminta’an padanja.”
„Inget, Maillard,” kata pastoor; „akoe jang soeda oendjoek toean boeat dateng pada kau; ini toean ada besar kekwasa’annja dan akoe telah tanggoeng, kau tiada nanti berlakoe tjoerang.”
„Akoe taoe, toean pastoor,” kata itoe pengemis, „kau selamanja soeka toeloeng akoe; akoe djoega sedia boeat bikin senang kau poenja hati."
„Apa kau kira, kau poenja kekwasa’an atas kau poenja kawan ada begitoe besar sebagimana toean pastoor soeda tjerita pada akoe?” menanja coadjutor.
„Akoe kira iaorang sampe taro inda pada akoe,” kata Maillard dengen angkoe, „boekan sadja iaorang nanti berboeat apa jang akoe prenta, tapi iaorang nanti toeroet akoe, di mana sadja akoe pergi.”
„Apa kau bisa koempoel lima poeloe orang, orang baek jang ada djoega poenja pikiran, jang nanti brani bertreak, hingga tembok tembok di astana Palais Royal bisa djadi roeboe: „Boeang Mazarin!”
„Akoe kira, pakerdja’an jang lebi brat dari ini akoe bisa djalanken,” menjaoet itoe pengemis.
„Begitoe! begitoe!” kata coadjutor dengen swara plahan; „apa kau brani sanggoepken boeat bikin sapoeloe barrikaden (djalaman jang dibikin tegoe sebagi benteng benteng ketjil) dalem tempo satoe malem?”
—„Akoe brani sanggoepken bikin sedia lima
