— 226 —
kasi satoe soedagar, jang kadoea satoe graaf; apa kau bisa kasi akoe satoe prins ?“
—„Akoe maoe voorstel boeat goenaken tenaganja satoe pengemis, Monseigneur.“
„Wel, wel!“ kata coadjutor dengen berpikir, akoe kira kau poenja voorstel baek, toean pastoor; „kita perloe satoe orang jang bisa bikin brontak bebrapa laksa orang jang ada dalem kasoesahan, jang masing masing bisa bikin riboet dan bertreak di seantero Parijs sampe bisa kadengeran djoega ka sebla loear kota; ia moesti tjerita, ia telah djato soesa lantaran Mazarin poenja perboeatan....“
—„Akoe ada poenja orang begitoe roepa, Monseigneur.“
—„Bagoes! Siapa itoe orang?“
—„Sebagimana akoe soeda bilang, Monseigneur, satoe pengemis, jang soeda anem taon lamanja tiap tiap hari minta orang poenja kesian dan ia selamanja ada di tangga dari gredja Saint Eustache.“
—„Kau bilang ia ada berkwasa antara kawan kawannja?
—„Apa Monseigneur taoe, itoe sekalian pengemis ada djadi satos koempoelan dari orang orang jang idoep sengsara dan senantiasa berbanta pada orang orang jang ada poenja harta, masing masing ada poenja bagian dalem hal djalanken iaorang poenja pakerdja'an dan iaorang ada di bawa prentanja satoe kapala ?“
—„Akoe taoe denger dari itoe perkara,“
—„Itoe orang jang akoe voorstel ada djadi kepala dari iaorang poenja koempoelan.“
—„Apa kau taoe dari itoe orang?“
—„Tiada banjak, tapi akoe doega, ia masi
