— 204 —
d'Artagnan, „tiada satoe orang boleh bergerak; satoe tembakan di ini hari nanti moesti dibajar pada hari besok dengen lebi banjak dara.“
Comminges dianter oleh itoe ampat soldadoe jang lebi doeloe anter padanja dan ampat musketier pergi hampirken itoe kreta. Ia minta, soepaja orang orang jang doedoek dalem itoe kandaran soeka kasi ia pake kretanja dan bawa itoe kandaran pada kreta jang soeda roesak.
Tapi pada waktoe iaorang maoe pindaken Broussel dari kreta jang terbalik dan rahajat negri jang masi berkoempoel di satoe tempat sedikit djaoe dapet liat itoe raadsheer, iaorang bertreak dan dateng menjerang lagi.
„Lekas djalan !“ kata d'Artagnan, „ini sapoeloe musketier boeat anter kau; akoe masi ada doea poeloe orang boeat tahan itoe orang orang, kau djangan bikin ilang tempo. apoeloe orang boeat anter toean Comminges!“
Sapoeloe musketier toeroet prentanja iaorang poenja luitenant, berpisa dari kawannja, dateng deket itoe kreta dan lantes toeroet lariken iaorang poenja koeda.
Koetika kreta dilariken treakan orang banjak djadi semingkin kras, bebrapa blas riboe rahajat negri soeda dateng berkoempoel di tepi Boengi dan di befoelan djembatan Pont Neuf.
Bebrapa swara tembakan telah kadengeran. Satoe musketier dapet loeka.
„Madjoe!“ treak d'Artagnan dengen gigit koemisn a lantaran ia poenja mara.
Sekalian musketier soeda djadi sanget mara, kerna iaorang liat soeda tiada ada djalan boeat lolosken diri lagi, mata prentanja d'Artagnan boeat manjerang pada itoe orang banjak djadi
