— 196 —
"Toeloeng! toeloeng! orang maoe tangkep akoe poenja toean! Orang maoe bawa raadsheer Brouasel ka pendjara ! Toeloeng! ia bertreak.
"Toean,” kata Comminges, "lekas bilang apa kau soeka toeroet prentanja Radja atawa kau ada niatan boeat brontak ?"
"Akoe toeroet, akoe toeroet prenta, toean" kata Broussel jang tjoba lolosken dirinja dari peloekan ia poenja doea anak prempoean, sedeng dengen matanja ia kasi tanda pada anaknja lelaki boeat tahan sabar.
"Djikaloe kau soeka toeroet prenta itoe prempoean toea toetoep moeloetnja" Kata Comminges.
"Apa? Ini prempoean toea!" kata Nannete
Kamoedian ia peloek trali besi dari djendela dan bertreak lagi:
"Toeloeng! toeloeng akoe poenja toean Broussel, jang orang maoe tangkep, sebab ia bela haknja rahajat negri! toeloeng! toeloeng!"
Comminges pegang pinggangnja Nanette dan maoe tarik ia ka dalem, tapi itoe koetika dari atas roema ada kadengeran lagi orang bertreak dengen kras:
"Amoek ! Kebakaran! Pemboenoe! Iaorang boenoe toean Broussel ! Iaorang bikin binasa toean Broussel !"
Itoe treakan ada swaranja Friquet. Lantaran denger ada jang bantoe, Nanette djadi bertereak lebi kras lagi.
Bebrapa orang soeda dateng deket roemanja Broussel. Orang orang jang ada di djalanan jang pernanja deket itoe tempat lantes dateng memboeroe ka itoe roema; bermoela satoe doea orang, kamoedian bebrapa. kawanan dan tiada
