— 173 —
„Toean toean, biar di sini kita djaianken djoega itoe atoeran sebagimana kita soeda berboeat koetika maoe brangkat dari Parijs; akoe ada kenal satoe roema makan di satoe tempat soenji, jang djaga di sana akoe boleh pertjaja dan brangkali ada soerat soerat boeat akoe, maka sekarang akoe maoe pergi di itoe tempat. Kau berdosa boleh pergi di hotel jang paling besar di ini kota dan tinggal di sana sampe djem doea malem, itoe waktoe kita moesti pergi ka pesisir laoet boeat liat apa akoe poenja kapal ada dateng toenggoe kita."
Sasoedanja tetep berdjandji begitoe de Winter ambil laen djalanan di sebla loear kota, soepaja ia bisa masoek dari laen pintoe kota. Athos dan Aramis masoek troes dan tiada lama iaorang sampe di hotel jang de Winter soeda oendjoek pada iaorang. Iaorang poenja koeda lantes dikasi kombongan, tapi tiada diboeka selanja, itoe doea pengikoet djoega diprenta boeat dahar dengen tjepet, kerna itoe koetika soeda ampir tengamalem dan ini doea orang soeda sanget ingin naek kapal, maka seabisnja dahar sedikit dan minoem satoe botol anggoer iaorang djalan lebi doeloe. Iaorang poenja pengikoet dipesen boeat menjoesoel ka pesisir laoet deket plaboean, tapi sekalian dipesen djoega tiada sekali boleh bitjara dari itoe hal pada siapa djoega. Athos berboeat begitoe lantaran kwatir Blaisois nanti iseng moeloet, boeat Grimaud ia tiada kwatir satoe apa.
Athos dan Aramis berdoea djalan ka plaboean.
Kerna iaorang poenja pakean kotor dengen aboe, tapi tiada sekali rasa kikoek dalem satoe tempat, di mana iaorang baroe sampe, orang
Doeapoeloe taon blakangan
22
