— 171 —
terisi doearatoes pistol, jang kau bo'eh pake doelos dan bajar kombali pada akoe, kapan Kau ada sedia itoe oewang. Djangan kwatir, dengen trima ini oewang akoe nanti sendiri kekoerangan oewang, djikaloe akoe perloe akoe boleh prenta boeat ambil dari akeoe poenja astana. Di Bracieux sadja akoe ada sedia oewang mas doeapoeloe riboe franc banjaknja. Akoe sengadja tiada kirim lebi banjak, kerna kwatir kau nanti tampik ini perkara.
,,Akoe sengadja toelis pada kau, kerna maski akoe tjinta padanja, akoe anggep graaf de la Fere sebagi satoe orang jang deradjat banjak lebi tinggi dari akoe, tapi tentoe kau mengarti djoega, apa jang akoe kirim pada kau, sda sekalian boeat ia djoega.
,,Akoe harep, kau tinggal pertjaja, akoe tetep tinggal kau poenja sobat kekel.
,,Du Vallon DE Prac.EuX DE PIERREFONDS "
.Apa Kata sekarang ?“ menanja Aramis pada Athos.
—,,Akoe maoe bilang, sasoedanja dapet ini kenjata’an dari setianja kita poenja sobat sobat, kita boleh dibilang orang koerang trima, djikaloe kita masi sangsi teroesken kita poenja niat,“
—,,Abis?"
—,,Bagi doea itoe oewang dari Porthos, sebagimana kita soeda berboeat dengen kirimannja d’Artagnan.”
Sasoedanja bagi itoe oewang iaorang brangkat dan saprapat djem kamoedian iaorang sampe di pintoe kota Saint Denis, di mana de Winter ada menoenggoe.
