— 163 —
noempang di negri Frans, djikaloe ia bisa lari dari kepoengan moesoenja.
„Abis begimana?“ menanja Athos koetika ia soeda abis batja itoe soerat.
„Mazarin tiada soeka trima," kata Permisoeri.
Itoe doea sobat awasin satoe pada laen dengen matanja sebagi maoe menjataken, iaorang tiada setoedjoe dengen perboeatannja Kardinaal.
„Abis apa kita orang moesti berboeat sekarang, njonja?" menanja Athos
Apa kau bisa kesian orang jang dapet begitoe banjak sengsara?" Permisoeri tanja dengen swara gemeter.
„Akoe baroesan telah ambil kebranian boeat menanja, apa jang Sri Baginda ingin, toean d’Herblay dan akoe berboeat, kita berdoea soeda sedia,” kata Athos.
„O, toean; kau betoel ada poenja hati moelia!" treak Permisoeri boeat menjataken trima kasinja, sedeng Lord de Winter awasin Ratoenja sebagi ia maoe kata: „Apa akoe maoe bilang, apa sala akoe brani tanggoeng iaorang?“
„Tapi kau begimana, toean?* Permisoeri tanja pada Aramis.
„Akoe, njonja," Aramis menjaoet; „di mana djoega graaf de la Fere pergi, maski boeat tjari kematian, akoe toeroet padanja dengen tiada menanja lagi apa sebabnja; tapi boeat oeroesan Sri Baginde, akoe tiada maoe kala padanja.
„Sekarang,“ kata Permisoeri, „lantaran kau orang soeka toeloeng pada satoe Ratoe jang ada dalem soesa dan diloepa oleh sekalian pendoedoek di doenia, akoe nanti tjeritaken apa jang kau orang moesti berboeat. Radja ada di medan prang antara bebrapa orapg bangsawan jang ia
