— 161 —
berbeda keada’annja dengen di roeangan sebla loear.
Kau preksa akoe poenja kekaja’an?' kata Permisoeri dengen menengok Kanan kiri.
»Akoe harep Sri Reginda soeka ampoenken akoe,“ Kata Aramis, ,,akoe tiada bisa tahan akoe poenja mara sebab akoe soeda liat begimana Karadja’an Frans trima poetrinja Hendrik IV, ini perboestan sanget tiada pantes!*
,,Apa ini toean boekan saorang militair ?" menanja Permisoeri pada Lord de Winter.
,,Toean ini ada padri d’Herblay,* menjaoet de Winter.
Aramis poenja moeka djadi mera.
,,Njonja,“ kata Aramis, ,,akoe betoel satoe padri, tapi boekan dengen soeka sendiri. In pakean akoe pake dengen koerang senang hati dan kapan sadja akoe soeka boeat toekar dengen pakean musketiere. Kerna akoe tiada dapet taoe lebi doeloe, akoe moesti mengadep pada Sri Baginda, akoe telah berpake ini pakean; maski begitoe Sri Baginda nanti dapet kenjata’an, akoe ada itoe orang jang pertama sedia boeat djalanken Sri Baginda poenja prenta, dengen tiada perdoeliken prenta apa jang moesti didjalanken"
,,Toean ridder d’Herblay,“ de Winter tjampoer moeloet, ,ada satoe antara itoe musketier dari Radja Lodewij, XIX, dari siapa akoe soeda bitjara pada Sri Baginda, dan ini toean," kata poela de Winter dengen mengadep pada Athos, ada graat de la Fere, jang Sri Baginda soeda denger kegagahannja."
,,Toean toean,“ kata Permisoeri Inggris, ,,dalem taon jang baroe berselang, akoe ade antara orang orang bangsawan, akoe ada poenja harta
