— 152 —
—„Akoe tjoema taoe apa jang ia sendiri soeda tjeritaken pada akoe.“
—„Dengen menjaroe begitoe, kabetoelan ia soeda toeloeng sembajangken pada waktoe itoe algodjo dari Bethune maoe poetoes djiwa.“
—„Sekarang akoe dapet doega, ia dateng di sini atas prentanja Cromwell.“
—„Boeat dateng pada siapa?“
—„Pada Mazarin, Sri Ratoe soeda doega betoel, orang soeda doeloeken kita. Sekarang itoe perkara soeda djadi trang boeat akoe. Slamet tinggal, graaf, sampe besok pagi.“
„Ini malem bawa oedara ada sanget glap dan brangkali kau tiada bawa pengikoet ?“ kata Athos jang soeda dapet liat trang de Winter keliatannja sanget kwatir, tapi ia tiada brani njataken itoe perkara.
„Akoe ada bawa Tonу, satoe anak bodo, tapi setia,“ kata de Winter.
„He, siapa ada di sitoe, Olivain, Grimaud, Blaisois, bawa kau orang poenja snapan dan panggil burggraaf,“ kata Athos.
Blaisois ada itoe anak orang tani jang toeroet dateng dari astana Bragelonne, itoe koetika ia dateng masoek boeat kasi taoe, barang makanan soeda sedia.
Lima minuut kamoedian Raoul dateng masoek,
„Burggraaf,“ kata Athos, „kau moesti anter Mylord sampe di hoteloja dan djaga djangan sampe orang dateng deket padanja.“
„ O, graaf,“ de Winter bertreak, kau anggep akoe saorang apa?“
„Saorang asing jang blon kenal keada'an di kota Parijs,“ kata Athos, „dan ini burggraaf nanti oendjoek di mana kau moesti djalan.“
De Winter kasi tangan pada sobatnja.
