— 138 —
ilang kagetnja dan kombali ia tjoba boeat bikin terbit ia poenja pikiran bentji pada Mylady, kamoedian ia kata:
„Tjari sendiri ketrangan, apa soeda kedjadian dengen kau poenja iboe, orang tjilaka, minta ketrangan di naraka dan brangkali kau nanti dapet ketrangan.“
Itoe anak moeda masoek dalem kamar dan hampirken de Winter sampe di depannja, kamoedian dengen peloek tangan dan matanja mendelik sebab mara, ia awasin de Winter dan kata dengen swara serak:
„Akoe soeda tanja pada algodjo di Be hune dan itoe orang soeda kasi ketrangan.“
De Winter djato doedoek di satoe korsi sebagi orang jang kena disamber kilap, ia tjoba boeat bitjara, tapi tiada bisa berkata satoe apa.
„Ja, betoel apa tiada ?“ kata Mordaunt, „itoe perkata'an soeda kasi ketrangan tjoekoep, dengen itoe koentji semoea pintoe resia soeda bisa diboeka. Akoe poenja iboe soeda dapet harta dari soeaminja dan kau telah boenoe akoe poenja iboe! Akoe poenja nama ada satoe ketrangan boeat trima itoe harta peninggalan, tapi kau soeda tjoeri akoe poenja nama dan sasoedanja berboeat begitoe, kau tjoeri akoe poenja bagian. Sekarang akoe tiada boeat heran lagi, kau tiada maoe kenal pada akoe; akoe tiada boeat heran, kau tiada soeka kenal kau poenja neef. Tiada pantes orang jang kita soeda tjoeri hartanja dipandang sebagi satoe neef, tiada pantes kita akoe satoe orang jang soeda dibikin djadi satoe anak piatoe, sebagi kita poenja keponakan, memang begitoe soeda adatnja aorang jang tjoerang, satoe pemboenoe.“
