— 126 —
—„Tjoba seboet namanja, brangkali akoe taoe denger dan akoe boleh bantoe tjari.“
—„Satoe antaranja bernama ridder d'Artagnan“
—„O! Mylord, djikaloe akoe tiada sala, ridder d'Artagnan ada djadi luitenant dari barisan pendjaga astana, akoe perna denger itoe nama; tapi ati ati, akoe kwatir itoe orang ada berfihak pada Kardinaal.“
„Djikaloe sampe kedjadian begitoe roepa, betoel latjoer," kata de Winter, „dan akoe nanti akoe moelai djadi pertjaja dan kita soeda dikoetoek.“
„Tapi jang laen, siapa namanja, Mylord ?“ menanja Permisoeri, kerna sebagi orang jang anjoet ini Ratoe masi maoe berdaja sebrapa bisa boeat toeloeng djiwanja.
—„Kabetoelan akoe dapet denger nama dari satoe orang lagi, sebab sablonnja kita bertanding adoe sendjata, iaorang soeda seboet namanja. Jang kadoea namanja graaf de la Fere. Jang laen akoe tiada inget namanja, kerna itoe koetika iaorang masing masing pake nama palsoe.“
—„Ja, Allah, djikaloe begitoe sanget perloe kita tjari itoe orang orang, kerna kau pikir, iaorang ada sanget bergoena boeat toeloeng Radja,“
—„ O! itoe tiada oesa disangkal lagi, djikaloe iaorang masi ada sebagimana doeloe, tentoe iaorang ada banjak goenanja. Tjoba inget inget perkara doeloe, apa njonja taoe denger Ratoe Anna van Oostenrijk telah dapet ditoeloeng dari satoe bahaja jang sanget besar bagi satoe Permisoeri?“
—„Ja, dalem oeroesan ia poenja tjinta pada toean Buckingham; tapi akoe tiada taoe betoel
