— 122 —
Comminges poenja mata tjeli; sabenernja Mordaunt soeda berboeat sebagimana Comminges bilang. Sedeng djalan kaloear Mordaunt soeda dapet liat Lord de Winter jang ada doedoek menoenggoe Permisoeri Inggris.
Koetika dapet liat de Winter, itoe anak moeda lantes brenti boekan boeat pandang pigoera, tapi ia telah djadi kaget liat itoe orang bangsawan Inggria, ia poenja moesoe, ada di itoe kamar. Matanja mendelik sampe maoe kaloear. Ia awasin itoe djoeroesan sama djoega sebagi ia maoe telen itoe pintoe katja dengen orang jang ada keliatan di itoe kamar dan seandenja Comminges dapet liat Mordaunt poenja moeka, tentoe Comminges bisa dapet doega, itoe orang jang ada di kamar sebla ada moesoenja Mordaunt.
Tapi itoe anak moeda tinggal berdiri diam. Tentoe ia diam boeat berpikir; kerna sedeng bermoela ia ada niat boeat lantes hampirken Lord de Winter, ia tiada djadi berboeat begitoe roepa, tapi djalan teroes dengen plahan dan toendoeken kapalanja, naek koedanja dan djalan kaloear dari pekarangan astana, tapi di loear ia belok di satoe tikoengan dan menoenggoe di sana sampe kreta, dalem mana ada permisoeri Inggris, soeda kaloear dari astana Radja.
Sebagimana kita soeda dapet taoe, ia tiada menoenggoe lama di sana, kerna Permisoeri Inggris, sasoedanja dapet Kenjata’an, permintaannja tiada maoe ditrima, lantes brangkat kaloear, tapi boeat, itoe orang jang menoenggoe itoe tempo ada sanget lama rasanja.
Tiada berselang lama lagi satoe, kreta kaloear dari pekarangan astana dan di samping itoe
Doeapoeloe taon blakangan
16
