— 119 —
— „Pertjaja apa akoe bilang, njonja, Radja moesti melawan sampe abis abisan.“
— „Ia soeda berboeat begitoe, toean, dan dari apa jang maoe berboeat sekarang, jaitoe maloemken djoega prang dengen moesoe jang banjak lebi koeat orang bisa dapet kenjata'an, ja tiada maoe menjera dengen gampang, akoe bitjara di sini, seandenja ia dikalaken.“
— „Djikaloe sampe kedjadian begitoe, njonja, — harep tiada djadi goesar jang akoe brani kasi satoe nasehat, akoe kira, baek Radja djangan pergi dari negrinja. Radja jang soeda tiada ada di negri sendiri tjepet orang loepa, djikaloe Radja Karal I dateng di negri Frans, abis pengharepannja.“
„Tapi djikaloe kau pikir begitoe dan sebagimana kau bilang, kau taro inda padanja, kirim pertoeloengan padanja jaitoe kirim oewang dan balatentara; akoe tiada bisa toeloeng satoe apa lagi. Kau sendiri sampe taoe barang perhiasan akoe soeda didjoeal abis dan seandenja akoe masi ada satoe boetir inten sadja, tentoe akoe soeda djoeal itoe permata, boeat dibliken kajoe, soepaja pada waktoe moesin dingin jang baroe liwat, akoe tiada oesa tahan sengsara kedinginan dengen akoe poenja poetri.“
„Ach, njonja,“ kata Mazarin „Sri Baginda tiada mengarti apa jang Sri Baginda minta. Satoe Radja jang ditoeloeng dengen laen bangsa boeat dapetken kombali ia poenja tachta karadja'an, kasi njata, ia tiada ditjinta lagi oleh rahajat negrinja.“
„Djawab atas akoe poenja pertanja'an,“ kata Permisoeri jang soeda djadi djengkel Kardinaal poeter sadja bitjara'annja „djawab ja atawa tiada. Seandenja Radja tinggal di negri Inggris,
