— 112 —
, Ini soerat djadi ditoelis dengen resia
pada kau sendiri, maka sengadja akoe
kirim satoe orang jang akoe boleh pertjaja
betoel. Eminentie tentoe bisa mengarti,
lebi doeloe akoe moesti bikin persedia'an
begimana oeroesan di sini moesti diatoer
menoeroet balesan jang akoe trima dari
Eminentie. Akoe doega, saorang begitoe
tjerdik sebagi Eminentie tentoe mengarti
liat salatan baek atawa tiada, maka ini
soerat ditoedjoeken pada Monseigneur dan
boekan pada Sri Ratoe, jang tentoe pegang
kras deradjatnja saorang bangsawan, satoe
kelakoean maski haroes dipoedji, boleh
bikin perkara djadi kepiran.
Slamet tinggal, Mondeigneur, djikaloe
ampatblas hari kamoedian akoe tiada dapet
balesan, akoe nanti anggep, kau tiada dapet
trima ini soerat.
- OLIVIER CROMWELL
,,Toean Mordaunt," kata Kardinal dengen besarken swaranja sebagi boeat bikin sedar pada itoe oetoesan jang keliatannja doedoek mengantoek, djawaban atas ini soerat generaal Cromwell bisa dapet dengen tjepet, apabila akoe bisa dapet kenjata'an, laen orang tiada nanti dapet taoe, akoe soeda kirim balesan padanja. Toenggoe itoe kabar di Boulogne pada tepi laoet dan kau moesti berdjandji, besok pagi kau nanti brangkat ka itoe tempat.
,,Akoe soeka berdjandji begitoe, Monseigneur," kata Mordaunt, ,,tapi brapa lama akoe moesti menoenggoe pada itoe balesan?'
Djikale dalem tempo sapoeloe hari kau trima kabar, kau boleh brangkat," kata Kardinaal Mordaunt manggoet.
