— 104 —
boekan satoe pembawa soerat sadja, tapi satoe oetoesan di loear biasa.“
Bernouin masoek dan berselang bebrapa seconde ia pentang pintoe kamar dan kata:
,,Masoek, toean."
Mazarin sengadja soeda berboeat begitoe, kerna ia soeda djadi kaget koetika dapet kabar, Olivier Cromwell ada kirim satoe soerat padanja, ia maoe ada tempo boeat berpikir, tapi meski ia begitoe tjerdik, ia tiada dapet doega, lantaran apa Olivier Cromwell bikin perhoeboengan padanja.
Itoe anak moeda masoek dalem kamarnja Kardinaal dengen topinja di tangan dan setia tangannja pegang itoe soerat.
Mazarin berbangkit dari tempatnja.
,,Kau tentoe ada bawa satoe soerat ketrangan, toean." kata Mazarin.
,,Ini dia itoe soerat, Monsiegnur," kata itoe anak moeda.
Mazarin trima itoe soerat, boeka dan batja boenjinja:
- ,,Toean Mordaunt, satoe antara akoe poenja secretaris nanti sampeken ini soerat ketrangan pada Zjne Eminentie Kardinaal Mezarin di Parijs dan ia ada bawa satoe soerat resia lagi padanja.
Olivier Cromwell."
,,Baek, toean Mordaunt,” kata Mazarin, ,,kasi akoe itoe soerat jang kadoea dan doedoek."
Itoe oetoesan kaloearken dari sakoenja satoe soerat laen, seraken pada Kardinaal dan doedoek.
Kardinaal jang masi berpikir daa maoe doega, lantaran apa itoe oetoesan dikirim padanja, soeda trima itoe soerat dan balik balik preksa
