— 77 —
trima sadja orang bikin tiwas djiwanja. Pada waktoe siang lantaran hawa oedara panas ia tinggal pangsan troes, tapi koetika soeda djadi malem, hawa dingin telah bikin ia djadi sedar kombali. Itoe koetika iaorang soeda ada di loear wates negri Frans, tapi di satoe tempat, di mana rahajat negrinja ada pada fihak orang Frans, hingga koetika d'Artagnan dengen banjak soesa ketok satoe pintoe dari roema jang ia soeda bisa koendjoengken, toean roema soeda trima padanja dengen manis boedi. Di itoe roema ia dapet rawatan baek sampe iapoenja loeka soeda djadi baek kombali dan sasoedanja djadi baek ia lantes poelang ka negrinja. Sesampenja di negri Frans ia lantes menoedjoe ka kota Parijs dan apabila soeda sampe di Parijs ia lantes tjari hotel „de Ree.“
Tapi koetika ia masoek di kamarnja, d'Artagnan liat ada pakean laen orang lelaki,
„Tentoe ia soeda poelang lagi,“ kata d'Artagnan dalem hatinja.
d'Artagnan lantes tjari ketrangan, tapi ia dapetken di sana boedjang baroe, koki baroe dan nona nona jang bantoe rawat roema semoea baroe, Satoe antara ini nona nona bilang, njonja roema lagi pesiar djalan djalan.
„Saorang diri sadja ?“" menanja d'Artagnan.
— „Sama sama toean.“
— „Djadi toean soeda poelang kombali ?“
„Tentoe,“ kata itoe nona jang tiada mengarti begimana doedoeknja itoe perkara.
„Seandenja akoe ada poenja oewang,“ pikir d'Artagnan dalem hatinja. „akoe moesti pergi dari ini tempat, tapi sebab akoe tiada ada poenja itoe oewang, akoe moesti tinggal diam di sini, dan nanti akoe toeroet voorstelnja njonja
