— 76 —
soeka pada d'Artagnan jang roepanja tjakep dan koemisnja begitoe keren.
Koetika ia soeda tinggal dalem itoe roema makan ampat taon lamanja, di karadja'an Frans terbit perkara prang dengen laen negri dan d'Artagnan diprenta boeat toeroet pergi maloemken prang. Itoe kabar soeda bikin terbit soesa hati dan kasedian dalem hatinja njonja roema makan, roepa roepa perdjandjian dibikin dengen tiada abisnja, tapi tjoema itoe njonja sadja jang moesti berdjandji tinggal setia dan laen, d'Artagnan anggep dirinja banjak lebi moelia dari itoe njonja, maka ia tiada maoe berdjandji satoe apa, ia tjoema bilang maoe berdaja sebrapa bisa, soepaja iapoenja nama djadi lebi kasohor.
Kerna d'Artagnan memang saorang gaga, itoe perdjandjian ia djalanken dengen gampang; dengen sanget gaga ia kepalaken barisan jang ada di bawa prentanja dan bebrapa kali la soeda kalaken moesoenja, sampe pada satoe hari moesoe poenja pelor soeda langgar dadanja, hingga ia djato tengoeroep di medan prang. Orang soeda dapet liat ia djato dari koedanja dan tiada ada jang liat ia bangoen kombali, maka disangka tentoe soeda tiwas djiwanja; sedeng orang orang jang ingin diangkat djadi pengganti sigra siarken kabar, d'Artagnan soeda meninggal di medan prang Memang biasanja orang gampang pertjaja apa jang orang harep, apaposla di medan prang; generaal dari satoe angkatan prang lantaran harep dapet naek pangkat ingin iapoenja laksamana kena pelor moesoe dan begitoe troes meneroes sampe pada soldadoe jang ingin djadi korporaal, semoea harep ada jang meninggal.
Tapi d'Artagnan boekan itoe orang jang maoe
