— 66 —
pada akoe,“ kata d‘Artagnan, „akoe sanget tjape“
„Tiada perloe kau minta ampoen, toean,“ kata Mazarin, „kau soeda djadi tjape datem pakerdjaan.“
d’Artagnan djadi kagoem liat tingka lakoenja Kardinaal begitoe manis.
Dalem hatinja kata:
„Brangkali djoega betoel boenjinja itoe pepata: barang baek biasanja dateng pada waktoe kita lagi tidoer.”
„Toeroet akoe, toean!“ kata Kardinaal.
„Ha ha,” d’Artagnan pikir dalem hatiaja;
„Rochefort soeda pegang perdjandjiannja, tapi dari mana ia soeda djalan kaloear?”
d’Artagnant liat kanan Kiri dalem kamar Kardinaal, tapi ia tiada dapet liat pada Rochefort.
„Toean d’Artagnan,“ Kata Kardinaal sasoedanja ia doedoek besender di satoe korsi males, „soeda lama akoe dapet kenjata’an, kau ada saorang gaga dan berboedi “
„Boleh djadi,“ kata d‘Artagnan dalem hatinja, ,,tapi kenapa baroe sekarang ia bilang begitoe roepa?"
Maski dalem hatinja berpitir begitoe, tapi tiada oeroeng ia manggoet sanget renda.
„Sekarang,“ kata poela Kardinaal, „ada tempo jang baek boeat goonaken kau poenja kepandean dan kegagahan.“
Matanja d‘Artagnan keliatan bekredep sebagi kilat lantaran girang hatinja denger itoe perkata‘an, tapi tjoema sakedjap sadja kerna ia blon taoe maksoednja Kardinaal.
Monseigneur boleh kasi prenta, akoe sedia boeat toeroet Eminentie poenja maoe," menjaoet d‘Artagnan.
