— 64 —
—„Djadi d’Artagnan taoe ini perkara?“
—„,Ja taoe ini perkara. Tapi begimana ia soeda atoer, itoe akoe tiada dapet taoe. Ini tjintjin ia soeda djoeal pada toean des Essarts, jang soeda pake ini barang dan dari siapa akoe soeda bli kombali; tapi sabenernja ini inten ada kepoenja’annja d’Artagnan; kasi padanja ini barang atas akoe poenja nama dan kerna itoe orang gaga ada pada kau, kau boleh tjoba goenaken tenaganja“
—„,Trima kasi, njonja, akoe nanti toeroet itoe nasehat.“
—„Sekarang apa kau masi ada laen kabar lagi?“
„Tida, njonja,“ menjaoet Mezarin dengen swara manis; „tjoema akoe minta sadia dibebasken dari itoe toedoehan jang akoe soeda sangka bebrapa perkara, tapi akoe sanget tjinta pada kau, maka tiada oesa diboeat heran, akoe djadi tjemboeroean sampe pada perkara perkara jang soeda lama kedjadian.“
Sri Ratoe tersenjoem sakedjep.
„Djikaloe tiada ada laen perkara lagi,“ kata Ratoe Anna, „tinggalken akoe saorang dirj, kau tentoe mengarti, seabisnja djadi panas sebagi baroesan, akoe perloe loepaken itoe perkara.“
Mazarin manggoet, laloe menjaoet :
„Akoe nanti kaloear, njonja; aps kau soeka kasi idzin boeat akoe dateng kombali ?”
—„Ja, tapi besok pagi akoe perloe ada tempo boeat djadi sedar lagi.
Kardinaal pegang tangannja Ratoe dan tjioem itoe tangan, kamoedian ia djalan kaloear.
Baroe sadja Mezarin brangkat, Sri Ratoe lantes pergi di kamar tidoer Radja dan tanja pada La Porte, apa Sri Baginda soeda tidoer. La Porte
