— 50 —
dapet orang jang bisa bersaingan dengen kau."
— ,,Akoe harep Monseigneur nanti dapet itoe orang."
— ,,Baek, kau boleh djalan. Tapi akoe maoe bilang, tiada perloe kau toelis lagi soerat pada akoe, djadi kau boeang tempo pertjoema sadja."
Koetika ia soeda dibawa kaloear, Rochefort pikir dalem hatinja:
,,Akoe soeda toeloeng pada d'Artagnan, sabentar akoe nanti kasi taoe padanja dan djikaloe ja blon senang hatinja, betoel ja tjerewet Tapi, di mana orang bawa akoe?
Rochefort dibawa djalan di satoe tangga ketjil, boekan dari pintoe depan, di mana d'Artagnan ada menoenggoe. Di pekarangan astana Rochefort dikasi masoek dalem kreta pendjara, tapi ia tiada dapet liat lagi sobatnja.
,,Ha, ha !" pikir Rochefort dalem hatinja, sekarang ini perkara soeda djadi beroba dan djikaloe di djalanan rabajat negri masi bikin riboet, akoe maoe tjoba boeat kasi oendjoek pada Mazarin, akoe masi bergoena boeat laen pakerdja'an dari pada djaga orang hoekoeman."
— — — —
IV.
Sasoedanja tinggal berdoea dengen Bernouin, Mazarin tinggal berpikir bebrapa lamanja. Ia soeda denger banjak perkara, tapi ia blon taoe, apa ia moesti berboeat, kerna memang ada adatnja Mazarin tiada gampang pertjaja orang poenja tjerita, lebi doeloe ia maoe taoe sampe abis. Sekarang ia maoe tjoba dapet taoe d'Artagnan poenja resia.
,,Apa Monseigneur tiada ada prentahan lagi ?" menanja Bernouin.
