— 40 —
ada boedaknja Sri Ratoe. Memang soeda adatnja Sri Ratoe gampang sekali djadi mara; Sri Baginda dapet taoe, kau tiada soeka djalanken prentanja dan roepa roepanja anggep itoe perkara sebagi kau soeda menangtangken, dan kerna ia taoe kau ada saorang di loear biasa, hingga oleh kerna itoe kau boleh djadi satoe bahaja besar, Si Baginda telah prenta akoe, toean de Rochefort, boeat simpen kau di satoe tempat. Itoe sebabnja maka kau ada dalem Bastille."
— ,,Djikalos begitoe, Monseigneur, menoeroet akoe poenja pikiran, akoe soeda kesalahan dikasi masoek dalem Bastille."
,Ja, ja, itoe perkara masi boleh dibikin beres; kau ada saorang jang gampang mengarti orang bitjara dan apabila kau soeda mengarti orang poenja maksoed, kau lantes bisa oeroes itoe perkara sampe beres."
— ,,Begitoe adanja pikiran almarhoem Kardinaal Richelieu bagi akoe dan akoe djadi lebi hormat lagi padanja lantaran Eminentie sekarang soeda pikir begitoe djoega."
— ,,Itoe betoel; Richelieu ada saorang sanget pande dalem perkara politiek, lantaran akoe roepa roepa sanget djoedjoer dalem oeroesan perkara, akoe djadi kala banjak dalem hal itoe oeroesan; akoe pcenja sala besar akoe pake adat orang Frans, jaitos terlaloe troes trang."
Rochefort gigit bibirnja, soepaja ia tiada djadi tersenjoem.
,,Tapi baek akoe kasi taoe kau akoe poenja maksoed," kata poela Mazarin ,,akoe perloe ada poenja sobat, orang orang jang setia pada akoe; djikaloe akoe bilang, akoe moesti ada poenja itoe orang, mengartinja Sri Ratoe perloe goenaken iaorang poenja kepandean. Sekalian perkara
