— 37 —
„Apa Rochefort soeda djadi lebi baek dari akoe ?" berpikir d'Artagnan dalem hatinja.
d'Artagnan minta pengawal pintoe mengadep pada Kardinaal boeat kasi kabar, ia soeda balik dengen bawa persakitan jang diminta.
,,Panggil toean de Rochefort masoek," kata Kardinaal dengen swara tiada sabar lagi koetika ia dapet denger prentahannja soeda balik., Toean d'Artagnan boleh toenggoe doeloe, kerna akoe masi maoe bitjara padanja."
d'Artagnan telah djadi girang koetika ia denger itoe kabar. Sebagimana ia soeda tjerita, dalem tempo bebrapa lama tiada ada orang perloe padanja dan ini sekali Kardinaal blon maoe lepas ia poelang, brangkali nanti boleh djadi baek bagi dirinja.
Tapi Rochefort jang dapet denger djoega itoe perkataan, djadi lebi ati ati. Ia djalan masoek ka dalem dan dapetken Kardinaal lagi doedoek di medja toelisnja dengen berpake pakean Monseigneur, jang pada itoe masa biasa dipake oleh padri padri jang berpangkat tinggi.
Pintoe ditoetoep lagi dan Rochefort berdiri di depannja Kardinaal.
Ferdana mantri keliatannja masi sebagimana biasa, ramboetnja disisir rapi, dan lantaran dandanannja perlente, ia keliatan ada lebi moeda dari sabenernja ia ada. Tapi dengen Rochefort soeda djadi laen roepa; lima taon ditoetoep dalem pendjara soeda bikin sobatnja Kardinaal Richelieu poenja roepa djadi sebagi satoe kake: ramboetnja soeda poeti, koelit moekanja kisoet dan poetjet sebagi orang jang soeda ketjapean bekerdja. Koetika Mazarin awasin padanja, dengen tiada merasa lagi ini Kardinaal Boeda gojang kepalanja sebagi ia maoe bilang:
