— 366 —
Akoe rasa kau berlakoe sama dengen kaoem orang Jezuit."
Lantaran d'Artagnan berbangkit, Porthos djoega berdiri, hingga itoe ampat orang djadi berdiri di badepan satoe sama laen
Koetika denger perkata'annja d'Artagnan, Aramis poenja tangan bergerak sebagi maoe pegang pedangnja
Athos tahan padanja.
„D'Artagnan," kata Athos, kau dateng di sini sedeng tau poenja hati masi mendongkol lantaran perkara kemaren. D'Artagnan, akoe pandang kau poenja hati sampe moelia dan tiada nanti bikin poetoes persobatan jang soeda doeapoeloe taon lamanja, lantaran satoe perkara jang kedjadian dalem tempo saprapat djem, Bilang pada akoe, apa akoe soeda berboeat sala? Djikaloe atoe soeda berboeat sala, akoe nanti mengakoe."
Perkata'annja Athos jang dikaloearken dengen sabar dan manis sebagimana biasa soeda bikin hatinja d'Artagnan djadi lemes lagi, sedeng perkata'annja Aramis jang ada kakoe dan aseran soeda bikin d'Artagnan djadi semingkin mendongkol, maka ia djawab pada Athos:
„Menoeroet akoe poenja pikiran, toean graaf, haroesnja koetika akoe ada di toean poenja roema, toean boleh pertjajaken itoe resia pada akoe dan ini toean," dengen oendjoek pada Aramis, „saharoesnja tjeritaken itoe perkara pada akoe, koetika akoe ada di klooster, Djikaloe akoe dapet taoe itoe perkara lebi doeloe, tentoe akoe tiada tjampoer ini perkara, dalem mana kau berdoea moesti djadi akoe poenja halangan. Sebab akoe pake adat tiada soeka tanja laen orang poenja perkara, kau djangan anggep,
