— 364 —
brenti Athos kasi tanda dengen tangannja, d'Artagnan dan Porthos doedoek, sedeng Athos dan Aramis tinggal berdiri di hadepan iaorang.
Sasoedanja tinggal diam bebrapa lamanja, kerna masing masing rasa soera boeat bitjara lebi doeloe Athos moelai kata:
„Toean toean, kita poen ada di ini tempat, di mana kita soeda berdjandji boeat dateng, ini ada satoe boekti dari persobatan lama masi ada. Tiada ada ratoe jang tiada dateng, djadi satoe pada laen tiada boleh boeat sese'an."
Denger, toean graaf," kata d'Artagnan, „perloe apa poedji satoe pada laen, satoe perkara jang kita tiada perloe seboet, tapi lebi baek, sebagi satoe lelaki jang terhormat, kita kasi satoe tjerita, soepaja ini perkara bisa djadi terang."
„Memang itoe perkara jang akoe harep," kata Athos, „akoe tinggal tetep begimana bisa Bitjara teroes terang; apa kau maoe seselin akoe atawa toean padri d'Herblay soeda tipoe pada kau?"
„Ja,” kata d'Artagnan; „koetika akoe ada di astana Bragelonne, akoe soeda bitjaraken satoe perkara jang kau soeda mengarti sampe terang. Sebagi satoe sobat, seharoesnja kau djawab teroes terang, tapi kau soeda tipoe akoe. Kita poenja persobatan boekan djadi poetoes. lantaran adoe sendjata pada hari kemaren, tapi lantaran kau berlakoe tjoerang koetika akoe ada dalem kau poenja roema."
„D'Artagnan !" kata Athos dengen swara sedi.
„Kau minta akoe bitjara teroes terang,” kata d'Artagnan, „akoe soeda toeroet kau poenja maoe; kau ingin taoe akoe poenja pikiran, itoe perkara akoe soeda kasi taoe. Dan begitoe
