— 33 —
— ,,Tapi pada kau blon ada kedjadian sala satoe ketjilaka'an, itoe boleh dibilang beroentoeng djoega."
— ,,Ketjilaka'an apa akoe boleh dapet? Sala satoe pepata Latijn ada kata: ,,Gledek tiada taoe samber tempat renda di sela goenoeng," dan akoe ini ada sama sebagi satoe tempat jang paling renda."
— ,,Djadi Mazarin masi sama djoega sebagimana biasa?"
— ,,Lebi dari biasa, sebat; kabarnja ia soeda menika dengen Sri Ratoe."
— ,,Menika !"
— ,,Maski ia boekan swaminja, tapi ia tentoe ada djadi ketjinta'annja."
— ,,Buckingham ia bisa toelak dan achirnja ia soeka pada Mazarin !"
— ,,Begitoe memang adatnja orang prempoean!"
— ,,Ja orang prempoean biasa, tapi Ratoe-ratoe?"
— ,,Ja, Allah, dalem itoe oeroesan satoe Ratoe ada sama dengen doea orang prempoean biasa."
— ,, Dan toean de Beaufort, apa ia masi ada dalem pendjara ?"
— Masi, kenapa kau tanja iapoenja perkara ?"
— ,,Kerna ia ada akoe poenja sobat dan seandenja ia soeda kaloear, ia tentoe bikin tempo boeat toeloeng pada akoe."
— ,,Boleh djadi kau lebi doeloe kaloear dari toean de Beaufort dan kau nanti boleh toeloeng padanja."
— ,,Perkara prang begimana?"
— ,,Tiada bisa ditjega lagi.
— ,,Dengen orang Spanjol?
— ,,Boekan, dengen Parijs."
