— 328 —
Ia boeka lipetan itoe soerat, dengen satos tangan ia angsoerken itoe soerat di moekanja itoe sergeant, sedeng tangannja jang laen kasi kaloear satoe pistol.
„Prentanja Radja, akoe bilang. Batja dan kasi satoe djawaban, djikaloe tiada, akoe tembaken ini pistol di kau poenja kepala! Iaorang lari djoeroesan mana ?“ kata d'Artagnan.
Itoe sergeant dapet kenjata'an tiada boleh maen maen dengen d'Artagnan.
„Djalannja ka Vendomois,“ kata sergeant.
― „Dan iaorang ambil djalan dari pintos kota mana ?“
― „Dari pintoe kota Saint Maur.“
„Djikaloe kau tipoe akoe,“ kata d'Artagnan, besok kau nanti digantoeng.
„Dan djikaloe kau sampe dapet kedjer padanja, tentoe kau tiada nanti bisa balik kombali boeat gantoeng pada akoe,“ kata itoe sergeant.
D'Artagnan angkat poendaknja dan prenta ia poenja barisan boeat toeroet padanja.
„Djalan di sini, toean toean !“ kata d'Artagnan dengen djalan lebi doeloe menoedjoe ka pintoe kota jang dioendjoek oleh itoe sergeant.
Tapi lantaranan hertog koetika lari ambil djalanan di itoe pintoe kota pendjaganja soeda koentji itoe pintoe, hingga dengen banjak soesa dan dengen antjeman kras sebagimana soeda dibikin pada itoe sergeant, baroe itoe pintoe diboeka; dengen begitoe soeda ilang tempo lagi sapoeloe minuut
Sasoedanja kaloear dari itoe pintoe, sekalian lantes kasi lari lagi iaorang poenja koeda sebagimana bermoela, tapi tiada semoea koedanja bisa tahan lari begitoe lama; satoe djem kamoe
