— 312 —
Hertog sendiri sigra lompat atas koeda jang soeda di sediaken dan ia lantes kasi lari kras, sedeng dengen moeka girang ia kata:
„Merdika!.... Merdika!.... Merdika !
XXVI
D'Artagnan soeda trima di Blois oewang jang Mazarin kirim padanja, sebab ini Kardinaal pikir sanget perloe goenaken d'Artagnan poenja tenaga.
Biasanja perdjalanan dari Blois ka Parijs orang djalanken dalem tempo ampat hari. D'Artagnan soeda sampe di Saint Denis pada djem ampat dari hari jang katiga, sedeng pada masa ia masi moeda itoe perdjalanan ia bisa djalanken dalem tempo doea hari sadja. Athos jang brangkat tiga djem blakangan soeda sampe di Parijs doeapoeloe ampat djem lebi doeloe.
Planchet soeda tiada bisa lariken koedanja begitoe tjepet lagi sebagimana biasa, hingga d'Artagnan geger padanja.
„Begimana, toean, ampatpoeloe mijl dalem tempo tiga hari! Apa tiada sampe baek boeat saorang jang biasa djoeal kembang goela ?"
„Apa sasoenggoenja kau soeda djadi satoe Boedagar, Planchet? dan sekarang akoe soeda ketemoe lagi pada kau betoel betoel kau mane tinggal idoep dalem satoe toko sebagi satoe poehoen dalem pot?" kata d'Artagnan.
„Hm! kata Planchet, ,,akoe liat tjoema toean saorang sadja jang tiada bisa diam. Tjoba liat toean Athos, siapa kira ia jang doeloe sring tjari dan berboeat roepa roepa perkara jang berbahaja, bisa idoep sebagi satoe bangsawan tani. Sabenernja, toean, tinggal idoep diam dan tiada banjak tjampoer perkara jang ada bahajanja
