— 305 —
— „Abis begimana adanja itoe tipoe jang bagoes, Monseigneur ?'
— „Apa kau ingin taoe tipoe mana jang bermoela akoe maoe goenaken dan jang akoe doega tentoe nanti berasil ?"
— „Betoel, itoe tipoe moesti ditjeritaken lebi doeloe."
„Bermoela," kata hertog, sedeng sebla tangannja pegang itoe pastel dan tangan kanannja pegang piso; bermoela akoe ingin satoe pendjaga jang baek sebagi kau, La Ramee."
„Bagoes, itoe orang soeda ada, Monseigneur, Abis ?"
— „Akoe rasa beroentoeng soeda dapet apa jang bermoela akoe inginken."
La Ramee manggoet. „Dalem hati akoe pikir," kata poela hertog, djlkaloe akoe soeda ada poenja satoe pendjaga jang baek, dengen pertoeloengannja satoe sobat akoe maoe atoer soepaja dapet lagi satoe pendjaga jang dengen soenggoe hati, soeka menoeloeng pada akoe.
„Itoe pikiran baek djoega," kata La Ramee.
„Betoel apa tiada ? kata hertog," seandenja itoe orang ada orangnja sala satoe orang bangsawan jang bentji djoega pada Mazarin, dan haroosnja satos orang bangsawan bentji pada itoe Kardinaal."
— „St! Monseigneur, djangan bitjara perkara politiek."
— „Djikaloe akoe soeda dapet itoe orang dan ia ada tjerdik dan bisa ambil hatinja akoe poenja pendjaga, akoe boleh harep ia nanti toeloeng akos dan tinggal akoe menoenggoe kabar dari loear sadja.
„Betoel," kata La Ramee„tapi begimana bisa dapet kabar dari loear ?"
Doeapoeloe taon blakangan
39
