— 297 —
„Naek koeda, akoe maoe liat kau brangkat.“
„Raoul toeroet prenta.“
„Slamet djalan, Raoul,“ kata Athos, „slamet djalan anakkoe jang tertjinta“
„Slamet tinggal, toean,“ kata Raoul, „slamet tinggal, pelindoeng jang tertjinta.“
Athos jang tiada bisa bitjara satoe apa lagi lantaran sedi moesti berpisa dengen poetranja, kasi tanda dengen tangan dan Raoul brangkat dengen topinja masi di tangannja.
Athos awasin dengen bengong sampe Raoul belok di satoe tikoengan dan tiada keliatan lagi.
Kamoedian Athos toeroen dari koedanja, minta satoe orang djaga binatangnja dan ia masoek kombali dalem gredja di mana ia lantes berloetoet dan sembajang.
— — — —
XXV.
Sekarang kita balik kombali pada hertog de Beaufort jang dengen sanget kesel menoenggoe tempo sampe ia bisa lari dari tempat toetoepannja. Itoe tempo djalannja sama sadja lamanja bagi toean de Beaufort dan bagi orang orang jang lagi berdaja boeat toeloeng padanja, tapi boeat hertog rasanja itoe tempo djalan sanget plahan.
Dalem tempo lima taon lamanja jang itoe hertog ada dalem pendjara ia tiada berboeat satoe apa dan tiada sekali ambil perdoeli dengen apa jang ada kedjadian di loear, oleh kerna itoe sekarang ia boeat pikiran apa nanti ja moesti berboeat apabila ia soeda bisa lari dari pendjara. Pertama perkara ia lari nanti djadi koerang baek bagi toean de Chavigny, saorang ang sanget dibentji oleh hertog, lantaran ini gouverneur toeroet sadja sekalian prentanja Kardinaal Mazarin dan kadoea itoe perkara Doeapoeloe taon blakangan
Doea poeloe taon blakangan
38
