— 28 —
Pada itoe masa toean du Tremblay, soedara dari padri Joseph jang disajang oleh Kardinaal Richelieu, ada djadi gouverneur dari pendjara Bastille.
Koetika masrschalk de Bassompierre dengen kawannja jang ada dalem itoe pendjara lagi tjeritaken begimana dan kapan iaorang nanti bisa dapet kamerdikaän lagi, itoe maarschalk soeda berkata: Akoe tinggal di sini selamanja toean Tremblay masi ada. Dengen ini ia maoe bilang, selamanja Kardinaal Richelieu masi idoep ia tiada ada harepan boeat kaloear, tapi apabila itoe Kardinaal meninggal, toean Tremblay nanti dilepas djoega dari djabatannja dan ia, maarschalk, nanti dapet ampoen dan boleh pergi lagi di astana karadja'an.
Tapi itoe doega'an tiada betoel semoeanja, kerna sasoedanja Kardinaal Richelieu meninggal, toean Tremblay tinggal tetep dalem pakerdja'annja dan maarschalk Bassompierre djoega blon ada harepan boeat kaloear. Djadi ia tinggal tetep sama sama toean Tremblay dalem masing masing poenja keada'an.
Koetika d'Artagnan dateng, toean Tremblay lagi maoe doedoek dahar, maka ja oendang d'Artagnan boeat toerost padanja
,,Akoe soeka sekali toeroet toean poenja oendangan," kata d'Artagnan, ,,tapi di ini soerat ada di oelis: sanget perloe."
,,Itoe betoel," menjaoet gouverneur. He, majoor! nomor 256 kasi toeroen."
Apabila soeda masoek di Bastille, orang brenti djadi menoesia dan tjoema dapet satoe nomor sadja.
d'Artagnan djadi mengkirik koetika ia denger koentji berswara; ia tiada soeka toeroen dan
