— 229 —
jang lantaran bentji pada Grimaud djadi sengadja soeda berdaja soepaja itoe soldadoe sring ada deket padanja. Pada satoe hari koetika ini doea orang lagi bitjara dalem kamar Grimaud dateng masoek, jang lantes oesir itoe soldadoe kaloear.
„Apa kau maoe?" hertog hertog menanja pada Grimaud.
Grimaud toelak itoe soldadoe kaloear dan dengen oendjoek djeridjinja pada itoe orang, ia kata:
Itoe soldadoe menoeroet prenta.
„Ho, tapi itoe terlaloe!" hertog bertreak, „akoe nanti kasi pladjaran pada kau."
Grimaud kasi hormat dengen angkat tangannja sebagi satoe officier hormat kawannja.
„Toean, spion, akoe nanti bikin pata kau poenja kaki!" kata hertog jang soeda djadi sanget mara.
Grimaud kasi hormat lagi, tapi moendoer satindak.
„Kau djadi mata mata," kata poela hertog, „akoe sendiri nanti tjekek kau sampe mati."
Grimaud kasi hormat dan moendoer lagi lebi djaoe.
„Dan itoe perkara," kata hertog jang soeda djadi sanget mara, „akoe moesti kerdjaken sekarang djoega."
Dan dengen kepelannjà ditoedjoeken moekanja Grimaud hertog dateng hampirken padanja. Grimaud toelak itoe pendjega kaloear pintoe dan koentji pintoenja dari dalem.
Iteo koetika ia rasa kadoea tangannja hertog soeda pegang dengen kras ia poenja poendak, tapi ia tiada bertreak, in tjoema taro djeridjinja
