— 215 —
„Apa kau soeda taoe, apa jang orang tjeritaken di sini ? menanja Kardinaal.
-,,Tida, Eminentie."
-,,Orang bilang, toean de Beaufort maoe lari kaloear, apa brangkali itoe perkara soeda kedjadian ?
Itoe orang politie djadi bengong berdiri awasin Mazarin, kamoedian ia tiada bisa tahan dan djadi ketawa besar.
Mazarin rasa hatinja senang, maski itoe kelakoean sabenernja ada koerang pantes, tapi la, Mazarin, poenja moeka tiada beroba. Koetika La Ramee soeda abis ketawa dan bisa bitjara lagi, ia bermoela minta diampoenken kesalahannja.
Lari, Monseigneur !" ia kata;,lari! Djadi Eminentie tiada dapet taoe di mana toean de Beaufort ada ?"
,Akoe taoe ia ada di pandjara di Vincennes."
- Dalem satoe kamar jang temboknja ada
toedjoe kaki tebelnja, djendelanja pake trali besi dikepang dan itoe besi djendela tebelnja sama djoega tangan."
Toean, kata Mazarin, dengen plahan dan sabar, semoea tembok boleh digali dan dengen satoe veer horlod ji sadja orang boleh gergadji besi jang tebel."
Apa Monseigneur tiada dapet taoe," kata Ramee, ia selamanja didjaga oleh delapan orang, ampat dalem kamarnja dan ampat di sebla loear?"
Tapi ia boleh kaloear dari kamarnja dan boleh maen kaats."
-,Itoe permaenan memang di'idzinken pada sekalian persakitan, tapi djikaloe Eminentie maoe boleh dilarang."
