— 202 —
ini oeroesan,akoe dapet doega, atas nama siapa kau dateng bitjara. Sabenernja boeat itoe oeroesan orang tiada brani bitjara troes trang dan djikaloe kita pergi tjari kawan boeat itoe pakerdja’an, kita berboeat itoe perkara dengen rasa kwatir dan maloe.“
— „O! Athos !“
— „O! kau tentoe mengarti, dengen itoe perkata’an tiada sekali akoe maoe hinaken kau, jang akoe kenal sebagi satoe orang jang gaga dan berboedi, tapi akoe maoe bitjara dari itoe orang djahat, itoe Italian, itoe bangsat, jang tjoba boeat pake makota di kepalanja, satoe barang jang ia kabetoelan dapetken di bawa bantel; dari itoe djahanam besar jang brani bitjara ia berboeat atas nama Radja, tapi ia brani kasi masoek dalem pendjara bebrapa orang bangsawan kaoem familie Radja jang tiada ada berboeat sala satoe apa, melaenken iaorang brani tjela perboeatannja itoe orang Italiaan; ia kasi masoek dalem pendjara, kerna ia tiada brani djatoken hoekoeman mati pada itoe orang orang bangsawan sebagimana kita poenja Kardinaal Richelieu doeloe brani berboea’, Saorang kikir jang tjoema peres rahajat negri perloenja boeat isi ia poenja kantong, dan kabarnja ia brani hinaken pada Sri Ratoe djoega, tapi itoe hoekoeman Permisoeri haroes dapet, sebad ia jang soeda tjari sendiri dan lantaran itoe binatang brangkali tiada berselang tiga boelan legi di seantero negri Frans nanti terbit pembrontakan antara rahajat negri sendiri. Dan sekarang kau voorstel, soepaja akoe soeka bekerdja di bawa prenta saorang begitoe roepa, d’Artagnan ! Banjak trima Kasi!“
— „Sekarang kau djadi lebi pande bitjara
