— 193 —
rasa diri kau pande maenken kau poenja pedang, tapi kau moesti pikir, satoe tempo kau nanti boleh doega sala, — akoe ingin kau taoe, begimana besar adanja bahaja djikaloe kau dapet satoe moesoe jang sabar dan sebat, boeat itoe perkara kau moesti ambil toeladannja toean d'Artagnan. Minta padanja djikaloe ia tiada rasa sanget tjape dari perdjalanannja, boeat kasi kau sedikit pladjarannja.“
„Setan, Athos, kau betoel ada satoe goeroe jang baek,“ kata d'Artagnan. „Baroe tadi Planchet bitjara dari perkara duel di blakang klooster dengen Lord Winter serta kawannja. O ! Raoul, di sini ada satoe sendjata jang akoe soeda sring anggep sebagi satoe pedang jang paling baek di seantero negri Frans.“
„O, akoe kwatir akoe poenja tangan soeda tiada begitoe pande lagi,“ kata Athos.
„Ada banjak tangan jang tiada bisa beroba, Athos,“ kata d'Artagnan, „dan selamanja itoe tangan bisa bikin banjak keroesakan pada moesoenja.“
Raoul tinggal bengong sadja denger iaorang tjerita, tapi Athos kasi itoe, ia poenja tetamoe tentoe masi tjape dan perloe masoek tidoer. D’Artagnan banta ini perkara, tapi Athos maoe djoega ia pergi masoek di kamarnja, Raoul lantes anter tetamoenja ka kamar jang soeda dibikin sedia dan kerna Athos kwatir, ini anak nanti omong omong dengen d’Artagnan sampe djaoe malem, Athos dateng ambil padanja dan kasi slamet tidoer pada sobatnja.
— — — —
XVII
D'Arcagaan masoek di pembaringannja, boekan sebab ia ingin tidoer, tapi sebab ia ingin tinggal
Doeapoeloe taon blakangan
25
