— 187 —
kajoe bakar? Kenapa ia tiada maoe menoempang pade sala satoe orang bangsawan dan maoe djoega minta pertoeloengan pada Mazarin ? Tentoe padanja tiada nanti kedjadian itoe perkara."
— „Apa Kau kenel padanja, Athos ?“
— „Tiada, tapi akoe poenja iboe kenal padanja koetika ia masi anak anak. Apa akoe taoe, tjerita pada kau, iboekoe doeloe ada djadi pengikoet dari Ratoe Maria de Medicis ?“
— „Blon. Perkara begitoe kau blon taoe bitjaraken.“
— „Ja, tapi perkara begitoe satoe tempo moesti ditjeritaken djoega.“
„Porthos tiada nanti simpen resianja begitoe lama,“ kata d’Artagnan dengen tersenjoem.
„Masing masing poenja adat, sobat,“ kata Athos, „Porthos, maski ia sanget soeka berlakoe sombong ada djoega kebaeannja. Apa kau soeda ketemoe lagi padanja?“
— „Lima hari Jang baroe berselang akoe tinggalken padanja.“
D’Artagnan lantes tjeritaken sekalian kebesaran jang ia soeda dapet liat di astananja Porthos di Pierrefonds dan sedeng Athos djadi ketawa besar lantaran denger itoe tjerita, d'Astagnan sindir djoega keada‘annja Mousqueton.
„Sebenernja akoe djoega sring boeat pikiran dan djadi heran, kata Athos, begimana doeloe kita berampat, sedeng adatnja masing masing berbeda banjak, bisa djadi satoe kawan, jang sekarang sasoedanja liwat doeapoeloe taon lebi masi tinggal inget satoe pada laen. Persobatan dari orang orang jang hatinja djoedjoer bisa tinggal kekel, d’Artagnan; pertjaja apa akoe bilang, tjoema orang orang jang adatnja koerang baek bisa bikin poetoes persobatan, lanta-
