— 133 —
— „Tiada sama siapa djoega. Akoe tjoema satoe padri, perloe apa akoe tjampoer dengen perkara politiek? Lebi baek akoe tinggal tjampoer dengen padri padri jang sedikit nakal dan bebrapa njonja; sedeng negri lagi koesoet orang lebi tiada perdoeliken apa jang akoe be rboeat di loear pakerdja'annja satoe padri, djadi lebi baek akoe tiada oesa tjampoer dalem itoe oeroesan.“
— „Tapi boeat akoe keada'annja ada laen, sobat. Akoe masi pegang pakerdja'an negri dan ada harepan, apabila toean Tréville jang Boeda toea meninggal akoe boleh diangkat djadi kapitein. Kamoedian djikaloe akoe poenja pengidoepan soeda tetep, akoe tlada maoe tjampoer lagi laen orang poenja oeroesan, tapi maoe trima oendangannja Porthos, boeat pergi memboeroe di oetannja. Kau tentoe taoe djoega, Porthos ada poenja satoe tana ?“
— „Itoe betoel. Sapoeloe mijl oetan, rawa dan Bela goenoeng; ia djadi toean dari satoe tana jang haknja masi dibanta oleh bisschop dari Noyon.“
D'Artagnan pikir dalem hatinja :
„Djoestroe ini perkara jang akoe ingin taoe, djadi Porthos ada di Picardye.“
Pada Aramis ia tanja:
„Apa ia pake lagi namanja jang lama, jaitoe du Vallon ?“
„Ia tamba namanja dengen de Bracieux, nama dari satoe tana doeloe kapoenja'an satoe baron,“ kata Aramis.
— „Djikaloe begitoe boleh djadi Porthos nanti bisa djadi baron,“
— „Akoe djoega kira begitoe, dan barones Porthos moekanja sanget tjantik.“
Itoe doea sobat djadi ketawa besar.
