— 123 —
taoe. Akoe kira begitoe, kerna akoe poenja karangan banjak jang soeka."
-,,Abis kau jang batjaken di gredja?"
-,,Tida, akoe djoeal itoe karangan?"
-,,Djoeal pada siapa?"
-,,Pada padri padri jang ingin dapet nama pande berpidato, tapi sabenernja iaorang tiada mengarti satoe apa."
-,,Begitoe? Apa kau blon taoe dapet ingetan boeat dapet sendiri itoe nama tersohor?"
-,,Tentoe sekali, sobat. Tapi atoeran alam ada lebi koeat tenaganja, djikaloe akoe lagi berpidato di gredja dan saorang prempoean tjantik awasin pada akoe, akoe lantes loepa itoe perkara di gredja; djikaloe ia tersenjoem, akoe djoega toeroet tersenjoem, hingga boskan akoe tjeritaken perkara hoekoeman dosa jang orang nanti boleh dapet, djikaloe iaorang berboeat djahat di ini doenia, tapi akoe lantes bitjaraken perkara kasenangan dalem sorga di ini doenia. Kau taoe apa soeda kedjadian di gredja Saint Louis? Sedeng akoe lagi berpidato, satoe orang bangsawan soeda ketawaken pada akoe; akoe brenti bitjara boeat kasi penjaoetan pada itoe orang. Orang orang jang dateng di gredja lantes kaloear, masing masing ambil batoe, perloenja boeat disambitken pada akoe, tapi dengen tjepet dan taba akoe bitjara sampe itoe orang banjak djadi sambitken batoenja pada itoe orang bangsawan. Besoknja ia dateng di klooster boeat minta diampoenken dosanje, kerna ia doega, akoe ada satoe padri sebagi laen laen padri."
,,Abis apa soeda kedjadian kamoedian ? menanja d'Artagan dengen ketawa besar.
,,Pengabisannja kita berdjandji boeat ketemoe
