— 107 —
ambil akoe poenja djiwa. Itoe tempo jang baek
soeda liwat, djangan kwatir."
—„Apa toean tiada doega sala ?"
—„Akoe brani tanggoeng itoe perkara."
—„Djikaloe begitoe, soeda, kita tiada oesa bitjaraken ini perkara lebi pandjang."
Planchet djalanken lagi koedanja di blakang ia poenja toean dengen hati tetep lagi, kerna maski ia soeda berpisa dari d'Artagnan limablas taon lamanja, ia masi pertjaja, toeannja ada Baorang tjerdik.
Dengen djalan plahan iaorang djalanken satoe mijl dalem satoe djem, dan itoe koetika matahari soeda toeroen dan hawa oedara moelai djadi gelap.
Koetika Boeda dateng deket pada Noisy, Planchet hampirken lagi toeannja.
„Toean, ia kata.
„Ada apa ? menanja d'Artagnan.
—„Tjoba toean menengok ka itoe djoeroesan, apa boekan keliatannja sebagi bajangan berdjalan? Denger, apa itoe boekan swara tindakan kooda ?"
—„Mana bisa didenger swara koeda djalan, tananja soeda djadi basa lantaran oedjan, tapi kau poenja doegahan betoel, akoe djoega liat ada jaag liwat."
D'Artagnan lantes brentiken koedanja boeat pasang koeping dan matanja menoedjoe ka itoe djoeroesan jang Planchet soeda toendjoeken padanja.
„Maski tiada kadengeran tindakannja, tapi kita bisa denger itoe koeda berswara. Tjoba denger!" kata Planchet.
Sebagimana Planchet soeda berkata, betoel adanja, dari satoe tempat jang pernanja tiada
