— 104 —
menoempang hertogin de Longueville, jang laen ada satoe klooster dari kaoem Jezuiten.
Djem poekoel ampat d'Artagnan troesken perdjalannja, tapi dengen plahan sadja, sebab ia masi ada banjak tempo. Di sepandjang djalan ia boeat pikiran, lantaran apa itoe njonja hertogin de Longeville boleh soeka tinggal di tempat soenji sebagi Noisy.
Hertogin de Longeville ada soedara dari hertog de Condé, satoe antara toeroenan orang bangsawan jang teritoeng paling moelia di se antero negri Frans dan itoe njonja ada jang paling tjantik roepanja dari antara njonja njonja jang biasa dapet di astana karadja'an. Ia soeda dikasi nka pada hertog de Longueville jang pada itoe masa soeda banjak oemcer; tiada lama lagi ia soeda djadi ketjinta'annja hertog Coligny, tapi ini hertog soeda binasa pada waktoe bikin duel dengen tjidra lantaran njonja de Longuevilla. Blakangan ada tersiar kabar, itoe njonja ada toeroet masoek dalem satoe pakoempoelan resia, lantaran mana namanja djadi semingkin kesohor.
Sedeng d'Artagnan lagi pikirken itoe perkara, Planchet hampirken padanja dan berkata:
„Akoe brani bertaro, toean, kan djoega lagi pikierken satoe roepa perkara dengen skoe.“
„Akoe kira tiada, Planchet,“ kata d'Artagnan dengen tersenjoem. „Kau pikirken perkara apa?“
— „Itoe pakoempoelan orang orang djahat di roema makan.“
— „Kau selamanja berlakoe ati ati sadja.“
— „Soeda begitoe pirasatnja, toean.“
— „Tjoba kasi denger, pirasat apa kau soeda dapet?“
— „Akoe dapet pirasat, itoe orang orang ada
