— 103 —
itoe perkara soeda djadi beres: Planchet djadi bekerdja pada d'Artagnan.
D'Artagnan soeda pikir, begimana ia moesti atoer iapoenja perdjalanan ka Noisy. Itoe tempat pernanja di djalan ka Meaux dan tjoema ampat mijl djaoenja dari Parijs, oleh kerna itoe ia pikir, ia maoe dateng di sana djikaloe hari soeda moelai djadi malem.
Sasoedanja dahar ia toekar pakean particulier, kerna ia kwatir, itoe pakean militair nanti bikin orang djadi tjoeriga, ambil iapoenja pedang jang paling besar dan pada djem poekoel doea ia dengen Planchet lantes brangkat kaloear dari kota Parijs dari pintoe kota di La Vilette.
Di roema sebla itoe roema makan orang masi tjari djoega orang peroesoehan jang lari masoek dalem itoe roema.
Sasoedanja berdjalan doea mijl djaoenja, d'Artagnan dapet inget, ia soeda brangkat terlaloe siang, maka ia brenti di depan satoe roema makan sekalian boeat kasi iaorang poenja koeda mengaso.
Dalem itoe roema makan ada banjak orang jang keliatan koerang baek roepanja, betoel sebagi iaorang lagi berkoempoel di sana boeat berepoek, apa jang iaorang maoe kerdjaken pada itoe malem.
D'Artagnan minoem satoe botol anggoer jang ia poedji di hadepannja njonja roema makan, sedeng sabenernja itoe minoeman soeda banjak ditjampoer aer. Pada itoe njonja d'Artganan minta dikasi ketrangan tentang keada'an di Noisy dan ia dapet taoe, di itoe tempat tjoema ada doea roema besar, satoe astana kepoenja'annja aartbischop dari Parijs, dalem mana ada
